ფილმების კოლექცია
ლუსი შიმერსი და მშვიდობის პრინცი
პატარა ლუსი მოულოდნელად მძიმედ ავადდება და შობის წინ საავადმყოფოში აღმოჩნდება, ის გადაწყვეტს, თავისი უსაზღვრო სიყვარული ყველას გაუზიაროს, ვისაც შეხვდება — მათ შორის, ჯიუტ პატიმარს, რომელიც თირკმლის უკმარისობით იტანჯება და ოჯახთან გაწყვეტილი ურთიერთობის ტკივილს განიცდის. მათ შორის წარმოიქმნება მოულოდნელი მეგობრობა, რომელიც უამრავ რამეს ცვლის.
გამარჯვებული
საშუალო სკოლის კალათბურთის მწვრთნელს სთხოვენ ჩაიბაროს “კროს-ქანთრის” გუნდი, რომელშიც მხოლოდ ერთი მოზარდია. ამოცანა რთულია, მათ უნდა მიაღწიონ მარათონში გამარჯვებას.
პავლე, ქრისტეს მოციქული
მოციქული ლუკა სიცოცხლეს რისკავს, რათა ჩავიდეს რომში და მოინახულოს ტარსუსელი პავლე, რომელიც ტყვეობაში იმყოფება, იმპერატორ ნერონის ყველაზე ბნელ საკანში. პავლეს სიკვდილით დასჯამდე, ლუკა იწყებს წიგნის წერას, რომელშიც დეტალურადაა აღწერილი ეკლესიის დაბადება.
ვარსკვლავი
პატარა, მაგრამ მამაც ვირს, სახელად ბოს, სურს იცხოვროს წისქვილის გარეთ. ის იკრებს ძალას, რომ დატოვოს სოფელი და გაუდგეს გზას ამაღელვებელი თავგადასავლისკენ, რომელზეც ყოველთვის ოცნებობდა. მოგზაურობის დროს ბო ხვდება დეივს, ამბიციურ მტრედს, სამ აქლემსა და რუთს, ცხვარს, რომელმაც ფარა დაკარგა. ის და მისი მეგობრები მიჰყვებიან კაშკაშა ვარსკვლავს, რომელიც მათ სასწაულამდე მიიყვანს.
ღმერთი არს ჩვენთან
ახლად გაუმჯობესებული ანიმაციით წარმოდგენილი იესო ქრისტეს ცხოვრება, უკანასკნელი გადარჩენილი მოციქულის, იოანეს დრამატული ისტორიით.
ომის ოთახი
ტონი და ელიზაბეტ ჯორდანები, ჩვეულებრივი ამერიკული ოჯახია, რომელთაც, თითქოს, ყველაფერი აქვთ – შესანიშნავი სამუშაო, ლამაზი ქალიშვილი, ოცნების სახლი, მაგრამ მათი ქორწინება, სინამდვილეში, საომარი ველია.
ძე ღვთისა
წმინდა მიწაზე რომაელთა ოკუპაციამ წარმოქმნა ჩაგვრის, შფოთვისა და გადაჭარბებული გადასახადების კორიანტელი. რომაელი მმართველის პონტიუს პილატეს რისხვის შიშით, ებრაელი მღვდელმთავარი კაიაფა ცდილობს თავისი ხალხის კონტროლის შენარჩუნებას. ამ კონტროლს საფრთხე ემუქრება მაშინ, როდესაც იესო იერუსალიმში ჩადის, სასწაულებს ახდენს და ავრცელებს სიყვარულისა და იმედის გზავნილებს. მღვდელმთავრებს ეშინიათ, რომ იესო რევოლუციას მოაწყობს, ამიტომ ისინი გადაწყვეტენ, რომ იესო უნდა მოკვდეს.
ცეცხლგამძლე
გმირი მეხანძრე კაპიტანი, ძალიან დიდ მნიშვნელობას ანიჭებს თავდადებას და სხვების დახმარებას, მაგრამ ამ დროს მისი ქორწინება ინგრევა.
მაგდალინელი: სირცხვილისგან დახსნილი
ფილმი გვიყვება ოთხი ქალის ისტორიას იესოს დროინდელ საზოგადოებაში. მარიამ მაგდალინელი, როგორც მთხრობელი და მონაწილე, გვაცნობს ამ ქალების ცხოვრებას: მეძაობაში ბრალდებული ქალი; ასევე ქალი რომელიც გარიყული იყო გარყვნილი ცხოვრების წესის გამო; ქალი, რომელიც დიდი ხნის განმავლობაში ავად იყო და ამის გამო სხვები გაურბოდნენ და ქვრივი, რომელმაც ერთადერთი შვილი დაკარგა. ფილმი აჩვენებს, თუ როგორ შეცვალა იესოსთან შეხვედრამ 4 ქალის ცხოვრება, განათავისუფლა რა ისინი სირცხვილისა და სოციალური სტიგმისგან.
საოცარი მადლი
ნამდვილი ამბავი, უილიამ უილბერფორსის შესახებ, რომელსაც სურს ბრიტანეთში მონებით ვაჭრობა გააუქმოს. მიზნისკენ სწრაფვაში იგი აწყდება ძლიერ წინააღმდეგობებს, თუმცა, მას ეს ვერ აჩერებს.
ქრისტეს ვნებანი
ფილმში ასახულია იესო ქრისტეს ამქვეყნიური ცხოვრების უკანასკნელი 12 საათი. ისტორია მოგვითხრობს ქრისტეს გზას გოლგოთამდე, მის ჯვარცმასა და აღდგომას.
იესოს ამბავი ბავშვებისთვის
“იესოს ამბავი ბავშვებისთვის” არის ფილმი, რომელიც ყველა ბავშვს საშუალებას აძლევს გაეცნოს იესოს სახარებას მისთვის გასაგებ ენაზე. ფილმი გვთავაზობს ეფექტურ გზას, რომ ბავშვებმა შეიტყონ ღმერთის შესახებ. იგი მარტივად და ნათლად პასუხობს ბავშვების კითხვებს და სახარების ისტორიას დინამიურად გადმოსცემს.
